苏州小吃美食联盟

灶披间 荠菜裹馄饨

画白相2021-04-29 16:44:51


《 感恩节,回去喫夜饭 》

《 感恩节,回去喫夜饭 》

 荠菜裹馄饨 

                                       ------沈一珠

从前郊外有田梗,

春来开遍荠菜花;

路边树荫寻人家,

喫碗馄饨日西斜。


搿些辰光,应该有新鲜荠菜上市。虽然讲,现在各到各处有大棚,一年四季侪可以买着荠菜。不过,文艺点讲法,春天里呃荠菜有春天味道;传统点讲法,叫“不时不食”,啥意思呢,就是老底子人讲,喫么事要按季节、顺时令,啥辰光喫啥么事。

讲到荠菜,条件反射就是荠菜裹馄饨了,搿是交关上海人欢喜喫呃。阿拉屋里老早仔只有勒礼拜天再会裹馄饨,因为买菜买肉、烫菜斩肉,还要事先订好馄饨皮,到辰光凭小纸条去倷皮子,最后是裹,呒么一上半天是完勿成呃,老喫工夫。

现在住勒郊区,运道好呃辰光还会买着本地阿婆从田横头挑起来呃野荠菜,大大小小长得黑不溜秋,但香味道更加足一眼。讲是讲荠菜馄饨,不过,顶好是一半荠菜一半青菜,开水烫好,斩碎;坐臀肉斩成肉酱,夹好仔料一道拌透。皮子顶好买黑皮子,下出来呃馄饨香,有咬劲。

为啥勿全部是荠菜?荠菜水份少,裹呃馄饨馅子干夫夫,勿着味;青菜水份多,裹好呃馄饨馅子水漉漉,好喫。

节,回去喫夜饭 》

《 感恩节,回去喫夜饭 》

【沪语解释】《 感恩节,回去喫夜饭 》

            裹馄饨:包馄饨

            田横头:田埂

            夹好仔料:放好作料

            黑皮子:标准粉


Copyright © 苏州小吃美食联盟@2017